Rreth 1% e popullsisë mund të jetë psikopate, sipas një studimi. Njerëzit që konsiderohen psikopatë luftojnë me shprehjen e llojeve të ndryshme të emocioneve, veçanërisht empatinë, trishtimin dhe frikën

Sidoqoftë, psikologët besojnë se ata mund të bien në dashuri njësoj si njerëzit e tjerë, por mënyrat se si i shprehin ndjenjat dhe si i komunikojnë në marrëdhëniet e tyre mund të jenë krejt të ndryshme.

Nëse keni qenë ndonjëherë kureshtarë për të mësuar se çfarë ndodh kur psikopatët bien në dashuri, lexoni më poshtë:

Ata janë të aftë të duan një person tjetër

Psikologët tregojnë se ka nivele të ndryshme të psikopatisë. Nëse personi nuk tregon shenja të rënda psikopatie, ka shumë të ngjarë që të jetë në gjendje të dashurojë.

Ata gjithashtu mund të ndihen të vetmuar dhe kanë një dëshirë për të ndjerë dashuri. Sidoqoftë, është e vështirë për ata që të krijojnë një marrëdhënie të shëndetshme për shkak të mungesës së lidhjes emocionale dhe paaftësisë së tyre për t’u hapur me një person tjetër.

Psikopatët nuk mund të ofrojnë mbështetje emocionale për partnerin e tyre

Psikologët besojnë se psikopatët kryesisht nuk ndjejnë frikë ose shqetësim. Duke qenë se asnjëherë nuk i kanë ndjerë vetë këto emocione, ata luftojnë për të kuptuar ndjenjat e njerëzve të tjerë.

Studimi tregon se psikopatët mund të kujdesen për njerëzit e tjerë, por vetëm në rastet kur ata e bëjnë këtë gjë me dëshirë dhe kanë bërë përpjekje të mjaftueshme për të mësuar se si të jenë empatikë.

Psikopatët preferojnë marrëdhënie afatshkurtra

Psikopatët ndjekin “strategjinë e historisë së shpejtë të jetës:” ata preferojnë të krijojnë marrëdhënie afatshkurtra pa një lidhje të fortë emocionale. Ata rrallë janë të interesuar të bëjnë përpjekje të mjaftueshme për të krijuar marrëdhënie afatgjata që potencialisht mund të çojnë në martesë.

Psikopatët kanë më shumë të ngjarë të rrezikojnë dhe ta vendosin veten të parët, gjë që e bën të vështirë për ta të gjejnë një partner të përshtatshëm.